Ymuno â Rhwydwaith Hwyluswyr Gwynedd

Sefydlwyd y Rhwydwaith ym mis Medi 2002. Hwyluswyr dwyieithog o wahanol gefndiroedd gwaith sy'n gweithredu yng Ngwynedd neu/a Chonwy ydan ni. Rydym wedi ein hyfforddi mewn dulliau hwyluso ac yn hyrwyddo cyfranogaeth a datblygiad cynaladwy drwy gefnogi a datblygu sgiliau'n gilydd.

Ym 2006 cytunwyd ar y nod ac amcanion canlynol.

Nod:

Byddem yn sicrhau cyfranogaeth lawn y gymuned mewn penderfyniadau a wneir yng Ngwynedd a gwell cydweithredu rhwng gwahanol randdeiliaid drwy hybu prosesau cyfranogol.

Yn ystod y 5 mlynedd nesaf byddem yn:

• codi ymwybyddiaeth a darparu gwasanaeth hwyluso safonol, annibynnol, di-duedd a dwyieithog
• annog hyfforddiant i gymaint o randdeiliaid âf; phosibl
• cynyddu aelodaeth a chefnogaeth
• hybu prif-lifo hwyluso o safon o fewn prif asiantaethau'r sir
• cyfnewid arfer da efo mudiadau tu allan i Wynedd.

Manteision aelodaeth

• Un cyfle y flwyddyn i ennill sgiliau newydd neu adnewyddu sgiliau sydd gennych eisoes, drwy gwrs hyfforddiant neu ymweliad.
• Cyfleoedd i fagu sgiliau hwyluso yn awyrgylch cyfeillgar cyfarfodydd y Rhwydwaith.
• Cynhaliaeth gan gyd-aelodau o wahanol cefndiroedd a lefelau profiad.
• Cyfleoedd i weithio mewn tîm gyda hwyluswyr profiadol.
• Chwarae rhan mewn menter sydd yn hybu cyfranogaeth well yng Ngwynedd.
• Cyfle i hysbysebu'ch gwasanaethau hwyluso drwy linc ar y wefan yma.

Pwy all ymuno

Mae aelodaeth yn agored i bawb sydd yn cytuno â nod y Rhwydwaith ac sydd wedi mynychu cwrs cychwynnol y Rhwydwaith mewn hwyluso neu hyfforddiant cyffelyb.

Cyfrifoldebau aelodau

Mudiad cydweithredol ydan ni sydd yn dibynnu ar weithgarwch pawb i'n cynnal. Mae gan bob aelod bethau gwahanol i'w cynnig a mae cynnal y Rhwydwaith yn gyfrifoldeb ychwanegol ar ben swyddi neu waith beunyddiol i bawb. Yn gyffredinol dyma'r hyn a ddisgwylir gan bob aelod:

• Mynychu o leiaf un cyfarfod o'r Rhwydwaith y flwyddyn a gwirfoddoli i drefnu/hwyluso cyfarfod yn ôl eich gallu, neu
• Gwneud cyfraniad gwirfoddol arall at waith y Rhwydwaith.

Nid oes tâl aelodaeth ar hyn o bryd, ond bydd prisiau gostyngol ar gyfer hyfforddiant yn ddibynnol ar eich cyfraniad gwirfoddol yn ystod y flwyddyn flaenorol.

Cyfathrebu

Rydym yn tueddu i gyfarfod wyneb yn wyneb 3 i 4 gwaith y flwyddyn a mae tîm gwahanol o aelodau yn trefnu rhain bob tro. Cynhelir y cyfarfod blynyddol yn y gaeaf.

Safle Yahoo y Rhwydwaith ar y we yw'r prif gyfrwng cyfathrebu.