Croeso i wefan
Rhwydwaith Hwyluswyr Gwynedd

Beth rydym ni yn ei wneud?

• Rydym yn hybu ffyrdd newydd o gynnal cyfarfodydd er mwyn: ymgynghori; cymryd rhan; gweithio'n gydweithredol, gweithio mewn partneriaeth, creu deialog; adeiladu consensws a datrys gwrthdaro.
• Datblygu a hyrwyddo dulliau o weithio gyda mudiadau, cyrff a chymunedau lleol sy'n eu hannog i leisio barn yn eu dewis iaith.
• Cynnig cyfle i hwyluswyr rwydweithio, cefnogi ei gilydd a datblygu eu sgiliau.

Pam ddylech chi ddefnyddio gwasanaethau ein haelodau?

• Rydym yn rhwydwaith o hwyluswyr wedi'n hyfforddi gydag ystod eang o brofiad a sgiliau sy'n gallu cynllunio a hwyluso yn ôl eich anghenion.
• Rydym yn hwyluswyr annibynnol sy'n cynnig gwrthrychedd wrth gynnal trafodaethau ac felly'n sicrhau bod pawb yn cael cymryd rhan.
• Defnyddir ein gwasanaethau gan: Cyngor Cefn Gwlad Cymru, Cyngor Gwynedd, Cymunedau'n Gyntaf, Mantell Gwynedd, pwyllgorau neuaddau pentref, Cymdeithas Tai Eryri, grwpiau gwirfoddol lleol ac eraill
• Rydym yn gweithredu'n ddwyieithog trwy Wynedd i gyd.
• Gallwn eich helpu i rannu a chasglu gwybodaeth; dod i benderfyniadau; clywed barn eich defnyddwyr a lleihau gwrthdaro.

Sut mae dod o hyd i hwylusydd?

Cysylltwch â ni am restr o'n haelodau sy'n gweithio fel hwyluswyr llawrydd.